حذف البيانات

آخر تحديث: ٧ نوفمبر ٢٠٢٦

تقدر تحذف حسابك وبياناتك في لبق في أي وقت، من غير ما تحتاج تتواصل معانا أصلاً - الخطوات تحت. الصفحة دي بتقولك بصراحة إيه اللي بيتمسح فوراً وإيه اللي لسه محتاج خطوة منك.

الطريقة المباشرة (الأسرع)

سجّل دخولك على لبق.
ادخل على الإعدادات ← أسفل الصفحة هتلاقي "حذف الحساب نهائياً".
اكتب بريدك الإلكتروني للتأكيد ودوس تأكيد الحذف.
لو عندك اشتراك شغّال، لازم يتلغي الأول - الحذف مش بيتم وهو شغّال. كلّمنا على support@labiqtech.com ونلغيه.

مش قادر تدخل حسابك؟

ابعتلنا على support@labiqtech.com من نفس البريد الإلكتروني المسجّل بيه حسابك، واطلب حذف الحساب - هنتعامل مع الطلب يدوياً.

إيه اللي بيتحذف بالظبط

بياناتك الشخصية (الاسم، البريد، الدولة، رقم التواصل لو مسجّل).
ملف بيزنسك المحفوظ (ذاكرة البيزنس) وكل تفضيلاته.
سجلات المحتوى اللي ولّدته (بوستات، صور، فيديوهات، مقالات).
رسايل عملائك وجهات الاتصال اللي عندك، والحملات والبث.
الحسابات المربوطة (فيسبوك / إنستجرام / واتساب / تيليجرام / الإعلانات / الإيميل) ومفاتيحها عندنا، وجلسة واتساب، وارتباطات تسجيل الدخول (جوجل وغيرها).
رصيدك.

لسه محتاج خطوة منك (بصراحة)

ملفات الصور والفيديو نفسها على التخزين لسه مابتتمسحش أوتوماتيك - ابعتلنا على support@labiqtech.com لو عايزها تتمسح دلوقتي.
شيل صلاحية لبق من إعدادات فيسبوك وجوجل - إحنا بنمسح مفاتيحها عندنا بس. وعلى تيليجرام ابعت /revoke لـ @BotFather عشان يلغي توكن البوت.
على واتساب QR: سجل الجلسة عندنا بيتمسح فوراً، لكن الربط المفتوح على موبايلك بيفضل لحد ما تشيله من "الأجهزة المرتبطة".

إيه اللي بيفضل - وليه

سجلات الدفع (العمليات بالكارت، والتحويلات مع صور الإيصالات، وسجل تعديلات الأدمن على الرصيد) بتفضل 5 سنين من تاريخ الدفع، عشان قواعد حفظ السجلات التجارية والضريبية في مصر - استثناء معترف بيه في قوانين حماية البيانات، مش تجاهل لطلبك. بعد المدة دي بتتمسح صور الإيصالات ويتفصل السجل عن اسمك وإيميلك. دي سياستنا، والمسح التلقائي بعد المدة لسه مااتبرمجش. التفاصيل في سياسة الخصوصية.

المدة

الحذف من قاعدة البيانات بيحصل فوراً لحظة التأكيد - مفيش فترة انتظار.